Abp Asmita

હવામાન નિષ્ણાંત અંબાલાલ પટેલના અનુમાન મુજબ આગામી દિવસોમાં રાજ્યના તમામ ઝોનમાં આકરી ગરમી પડી શકે છે.. રાજ્યના મોટાભાગના જિલ્લાઓમાં તાપમાનનો પારો 44 ડિગ્રી સુધી પહોંચી શકે છે.. 12 મે સુધી રાજ્યના નાગરિકોને તાપનું ટોર્ચર સહન કરવાનો વારો આવશે.. જો કે અંબાલાલ પટેલનું એવુ પણ અનુમાન છે કે 15 મે બાદ પ્રિ-મોનસૂન એક્ટિવિટી સક્રિય થવાની શક્યતા છે.. 12 મેથી બંગાળના ઉપસાગરમાં હલચલ જોવા મળશે.. અને 15 મેથી 23 મે વચ્ચે બંગાળના ઉપસાગરમાં ચક્રવાતની શક્યતા છે.. જેનાથી રાજ્યના કેટલાક ભાગોમાં પ્રિ-મોનસૂન એક્ટિવિટીનો વરસાદ પણ વરસી શકે છે. હવામાન વિભાગે રાજ્યમાં 15 મે સુધી આકરી ગરમી પડવાની આગાહી વ્યક્ત કરી છે. 10 મેથી એટલે કે કાલથી રાજ્યના મોટાભાગના શહેરોમાં હીટવેવની શક્યતાને પગલે યલો એલર્ટ પણ જાહેર કરવામાં આવ્યું છે. આજે કચ્છ, સુરેન્દ્રનગર, રાજકોટ અને પોરબંદરમાં ગરમીનું યલો એલર્ટ જાહેર કરાયું છે. હવામાન વિભાગ મુજબ આગામી ચાર દિવસમાં મહત્તમ તાપમાનમાં બેથી ત્રણ ડિગ્રીનો વધારો થઈ શકે છે.. કચ્છ-સૌરાષ્ટ્રમાં 15 મે સુધી હીટવેવની અસર રહી શકે છે.. આવતીકાલે કચ્છની સાથે સૌરાષ્ટ્રના દ્વારકા, પોરબંદર, રાજકોટ, ગીર સોમનાથ, અમરેલી, ભાવનગર અને સુરેન્દ્રનગરમાં ગરમીનું યલો એલર્ટ જાહેર કરાયુ છે તો ઉત્તર ગુજરાતના પાટણ,બનાસકાંઠા, મધ્ય ગુજરાતના વડોદરા અને દક્ષિણ ગુજરાતના સુરતમાં ગરમીનું યલો એલર્ટ જાહેર કરાયું છે. સંઘ પ્રદેશ દીવમાં પણ ગરમીનું યલો એલર્ટ જાહેર કરાયું છે. આકરી ગરમીને પગલે હવામાન વિભાગે બપોરના સમયે નાગરિકોને કામ વગર બહાર ન નીકળવાની સલાહ આપી છે..

પ્રધાનમંત્રી નરેન્દ્ર મોદી આજથી બે દિવસ ગુજરાતના પ્રવાસે છે. સોમનાથના ઇતિહાસમાં પ્રથમ વખત કુંભ અભિષેક થશે. જેના સાક્ષી પ્રધાનમંત્રી મોદી બનશે. PM મોદી આજે આવી રહ્યા છે 2 દિવસના ગુજરાત પ્રવાસે. સાંજે જામનગર પહોંચશે PM મોદી. તેમના અભિવાદન માટે જામનગર શહેરને રોશનીથી શણગારાયું છે. સરકારી ઈમારતો. વિવિધ માર્ગો અને સર્કલ્સ પરની રોશનીથી જામનગર શહેરમાં જાણે દિવાળી જેવો માહોલ છે.. સાંજે સાડા સાત વાગ્યે લાલ બંગલા સર્કલ ખાતે ભવ્ય જન અભિવાદન કાર્યક્રમ યોજાશે... આવતીકાલે સવારે PM મોદી જામનગરથી સોમનાથ જશે.. સોમનાથ મંદિર પુનઃનિર્માણના સ્વપ્નને સાકાર થયાના 75 વર્ષ પૂર્ણ થવાના અવસરે ‘સોમનાથ વિરાસત કે 75 સાલ’ની ભવ્ય ઉજવણી કરવામાં આવશે.. PM મોદીના આગમનને લઈ સોમનાથને પણ રંગબેરંગી રોશનીથી શણગારાયું છે. સોમનાથમાં રોડ શો બાદ મંદિરમાં મહાપૂજા કરશે... બાદમાં સાડા અગિયાર વાગ્યે સભા સંબોધશે..

પેપર લીક થયા બાદ મેડિકલ કોલેજમાં પ્રવેશ માટે NEET પરીક્ષા રદ કરવામાં આવી છે. આનાથી આશરે 22 લાખ વિદ્યાર્થીઓ ફરીથી પરીક્ષા આપશે. આ પરીક્ષા 3 મેના રોજ દેશભરમાં યોજાઈ હતી. CBI હવે આ મામલાની તપાસ કરશે. રાજસ્થાનમાં NEETનું પેપર કથિત રીતે મળી આવ્યા બાદ પેપર લીક થવાની શંકા વ્યક્ત કરવામાં આવી હતી. રાજસ્થાનમાં ઉભરી આવેલો NEET વિવાદ આખરે તેના નિષ્કર્ષ પર પહોંચ્યો છે. NTA એ NEET UG પરીક્ષા 2026 રદ કરી દીધી છે. પરીક્ષામાં 125 અનુમાન પ્રશ્નો મૂળ પેપર જેવા જ હોવાના દાવાઓએ પરીક્ષા માટે ખતરો ઉભો કર્યો છે. 3 મેના રોજ યોજાનારી પરીક્ષા ફરીથી શિડ્યૂલ કરવામાં આવશે, જેની નવી તારીખ ટૂંક સમયમાં જાહેર કરવામાં આવશે. વિદ્યાર્થીઓએ ફરીથી નોંધણી કરાવવાની રહેશે નહીં, અને કોઈ વધારાની ફી લેવામાં આવશે નહીં. CBI હવે આ મામલાની તપાસ કરશે, અને વિદ્યાર્થીઓને ફક્ત સત્તાવાર માહિતી પર આધાર રાખવાની સલાહ આપવામાં આવી છે.

પીએમ મોદી યુરોપ અને યુએઈ સહિત પાંચ દેશોના પ્રવાસ માટે રવાના થયા..સૌથી પહેલા પીએમ મોદી યુએઈ પહોંચશે. યુએઈ પછી પીએમ મોદી નેધરલેન્ડ,સ્વીડન,નોર્વે અને ઈટાલીની પણ મુલાકાત લેશે. પીએમ મોદી 20 મે સુધી 6 દિવસીય વિદેશ પ્રવાસ પર રહેશે.પીએમ મોદી યુએઈના રાષ્ટ્રપતિ શેખ મોહમ્મદ બિન જાયદ અલ નાહયાન સાથે મુલાકાત કરશે. આ મુલાકાતનો ઉદ્દેશ્ય દ્વિપક્ષીય વ્યાપક વ્યૂહાત્મક ભાગીદારીને આગળ વધારવાનો અને પશ્ચિમ એશિયાના સંઘર્ષ પર ચર્ચા કરવાનો છે. આ પ્રવાસ બંને દેશો વચ્ચેના મહત્વપૂર્ણ વેપાર અને રોકાણ સંબંધોને પ્રોત્સાહન આપવામાં મદદરૂપ થશે. પીએમની આ યાત્રાનો મુખ્ય હેતુ વિશ્વભરમાં ચાલી રહેલી ભૌગોલિક-રાજકીય ઉથલપાથલ વચ્ચે ભારતના દ્વિપક્ષીય સંબંધોને વધુ મજબૂત કરવાનો છે.

હવામાન નિષ્ણાંત અંબાલાલ પટેલે વ્યક્ત કરેલા અનુમાન મુજબ રાજ્યના નાગરિકોને હવે ગરમીથી રાહત મળશે. પરંતુ બપોર બાદ આંધી-વંટોળ સાથે ધૂળની ડમરી ઉડવાનું અંબાલાલ પટેલે અનુમાન વ્યક્ત કર્યું છે.. અંબાલાલ પટેલના અનુમાન મુજબ આગામી 18થી 23 મે વચ્ચે સૌરાષ્ટ્રના દરિયાકાંઠાના વિસ્તારો અને મધ્ય ગુજરાતના કેટલાક જિલ્લામાં પ્રિ-મોનસૂન એક્ટિવિટીનો વરસાદ વરસી શકે છે.. એટલુ જ નહીં.. આ જ સમય ગાળા દરમિયાન કાચા મકાનોના છાપરા ઉડી જાય તેવો પવન પણ ફુંકાશે.જૂન મહિનાની શરૂઆતના ચાર દિવસ પણ અલગ અલગ જિલ્લામાં પ્રિ-મોનસૂન એક્ટિવિટીનો વરસાદ વરસી શકે છે..

કેન્દ્રીય ગૃહ અને સહકાર મંત્રી અમિત શાહ આજથી ગુજરાતના બે દિવસના પ્રવાસે છે, જ્યાં તેઓ અમદાવાદ અને ગાંધીનગરમાં વિવિધ સભાઓ અને કાર્યક્રમોમાં ભાગ લેશે. આજે સવારે 10:00 વાગ્યે, તેઓ એસજી હાઇવે પર કર્ણાવતી ક્લબ પાસે સ્થિત દક્ષિણ-પશ્ચિમ ઝોન કાર્યાલયમાં મ્યુનિસિપલ કમિશનર અને કોર્પોરેશનના વરિષ્ઠ અધિકારીઓ સાથે એક મહત્વપૂર્ણ બેઠક કરી. આ બેઠકમાં 'ગાંધીનગર લોકસભા હરિયાળી લોકસભા' હેઠળ વૃક્ષારોપણ, વિકાસ કાર્યો, તળાવોને ઇન્ટરલિંક કરવા અને તેમના નવીનીકરણ અંગે વિગતવાર ચર્ચા કરવામાં આવશે. કેન્દ્રીય ગૃહમંત્રી બપોરે ગાંધીનગર લોકસભા મતવિસ્તાર સંબંધિત મ્યુનિસિપલ કોર્પોરેશનના અધિકારીઓ સાથે બેઠક કરશે, જેમાં ખાસ કરીને એસજી હાઇવેના વિકાસ અંગે ચર્ચા કરવામાં આવશે. આ ઉપરાંત, અધિકારીઓ ગાંધીનગર લોકસભા મતવિસ્તાર હેઠળ આવતા માણસા નગરપાલિકામાં તળાવો, હોસ્પિટલો અને અન્ય જન કલ્યાણકારી પ્રોજેક્ટ્સની સમીક્ષા કરશે. આ ઉચ્ચ સ્તરીય સમીક્ષા બેઠકમાં ગૃહ રાજ્યમંત્રી હર્ષ સંઘવી પણ હાજર રહે તેવી અપેક્ષા છે.

વામાનને લઈને જાણીતા હવામાન નિષ્ણાંત Ambalal Patel દ્વારા મહત્વપૂર્ણ આગાહી કરવામાં આવી છે. અંબાલાલ પટેલના જણાવ્યા અનુસાર 23 મેના રોજ આંદામાન-નિકોબાર ટાપુઓમાં ભારે વરસાદની શક્યતા છે. સાથે જ 26 મે આસપાસ કેરળ કાંઠે ચોમાસાનું આગમન થઈ શકે તેવી સંભાવના વ્યક્ત કરવામાં આવી છે.તેમણે વધુમાં જણાવ્યું કે, અરબ સાગર આગામી દિવસોમાં વધુ સક્રિય રહેશે અને વેલમાર્ક લો પ્રેશર સિસ્ટમ બનવાની શક્યતા પણ છે. 19 મેથી 23 મે દરમિયાન ગુજરાતના વિવિધ વિસ્તારોમાં પ્રિ-મોન્સૂન એક્ટિવિટીના ભાગરૂપે વરસાદી માહોલ સર્જાઈ શકે છે. ખાસ કરીને દક્ષિણ ગુજરાત અને પૂર્વ ગુજરાતના અનેક વિસ્તારોમાં ભારે વરસાદી ઝાપટાં પડવાની શક્યતા વ્યક્ત કરવામાં આવી છે.આ ઉપરાંત 8 જૂનના રોજ અરબ સાગરમાં પવનની દિશામાં ફેરફાર થવાની શક્યતા હોવાનું પણ અંબાલાલ પટેલે જણાવ્યું છે. જ્યારે 23 જૂનથી 28 જૂન વચ્ચે રાજ્યમાં સારો વરસાદ થવાની સંભાવના વ્યક્ત કરવામાં આવી છે. હાલ ખેડૂતો અને સામાન્ય નાગરિકો માટે આ આગાહી મહત્વપૂર્ણ માનવામાં આવી રહી છે.

કેન્દ્રિય ગૃહ મંત્રી અમિત શાહના ગુજરાત પ્રવાસનો આજે બીજો દિવસ છે. કેન્દ્રીય ગૃહ અને સહકારિતા મંત્રી અમિત શાહ ત્રાગડ ખાતે ગણેશ હાઉસિંગ દ્વારા “મિલિયન માઇન્ડ્સ ટેક સિટી”નું ઉદ્ઘાટન કર્યું હતું. જેમાં મુખ્યમંત્રી ભુપેન્દ્ર પટેલ અને નાયબ મુખ્યમંત્રી હર્ષ સંઘવી ઉપસ્થિત રહ્યા હતાં. USD 1.5 બિલિયનના રોકાણ સાથે ગુજરાતનું પ્રથમ IGBC પ્લેટિનમ રેટેડ SEZ IT પાર્ક તૈયાર કરવામાં આવ્યું છે. અમદાવાદમાં ગૃહમંત્રી અમિત શાહના હસ્તે “મિલિયન માઈન્ડ્સ ટેક પાર્ક” અને ગ્લોબલ કેપેબિલિટી સેન્ટર કેમ્પસનું ઉદ્ઘાટન કરવામાં આવ્યું. આ કાર્યક્રમમાં મુખ્યમંત્રી અને નાયબ મુખ્યમંત્રી પણ હાજર રહ્યા હતા. અમિત શાહે ગાંધીનગરમાં અનેક વિકાસ કાર્યોની ભેટ આપી અને રિયલ એસ્ટેટ ક્ષેત્રના બિલ્ડર્સ સાથે બેઠક કરી, જેમાં કોમનવેલ્થ ગેમ્સને ધ્યાનમાં રાખીને સૂચનો પણ આપ્યા. તેમણે NIDના ઇનોવેશન અને ઇન્ક્યુબેશન સેન્ટરનું પણ ઉદ્ઘાટન કર્યું. કાર્યક્રમ દરમિયાન તેમણે જણાવ્યું કે ગુજરાત દેશના ઔદ્યોગિક વિકાસમાં મહત્વપૂર્ણ યોગદાન આપી રહ્યું છે અને નવી ટેક્નોલોજી સાથે આગળ વધી રહ્યું છે. તેમણે કહ્યું કે ગુજરાતને સર્વિસ સેક્ટરમાં ટોપ-3માં લાવવાનું લક્ષ્ય છે અને નવી પેઢી તથા હાઈટેક યુવાનો દેશનું ભવિષ્ય છે. તેમણે શહેર આયોજન અને આધુનિક વિચારધારાની જરૂરિયાત પર ભાર મૂક્યો અને કહ્યું કે AI ભવિષ્યની અર્થવ્યવસ્થાનો મુખ્ય આધાર બનશે.

‘લાલો’ ફિલ્મના અભિનેતા વિવાદમાં

મુંબઈમાં હવે વડાપાઉં ખાવું મોંઘું બન્યું છે. બ્રેડના ભાવમાં રૂપિયા 5નો વધારો થતા વડાપાઉંના ભાવ પર પણ તેની અસર જોવા મળી રહી છે. બ્રાઉન બ્રેડનો ભાવ 45 રૂપિયાથી વધીને 50 રૂપિયા થયો છે, જેના કારણે વડાપાઉંના ભાવમાં પણ વધારો નોંધાયો છે. સામાન્ય માણસ પહેલાથી જ સોના, ચાંદી, પેટ્રોલ અને ડીઝલના વધતા ભાવોથી ઝઝૂમી રહ્યો હતો, જ્યારે મોંઘવારીએ વધુ એક મોટો ફટકો માર્યો છે. નાસ્તો મોંઘો થયો છે. હા, અમે બ્રેડ વિશે વાત કરી રહ્યા છીએ. ઘણા લોકો પોતાના દિવસની શરૂઆત બ્રેડ, પાવ અને સેન્ડવીચથી કરે છે, પરંતુ હવે મુંબઈમાં બ્રેડના ભાવમાં ₹5નો વધારો થયો છે. અહેવાલો અનુસાર, ઘણી મોટી કંપનીઓએ 16 મેથી લાગુ થયેલા નવા બ્રેડના ભાવ લાગુ કર્યા છે. બ્રેડના ભાવમાં આ અચાનક, રેકોર્ડબ્રેક વધારા પાછળ ઘણા મુખ્ય કારણો છે. અહેવાલો અનુસાર, સૌથી મોટું કારણ પ્લાસ્ટિક પાવડર, બ્રેડ પેકેજિંગ માટે વપરાતા કાચા માલના વધતા ભાવ છે. ભારત આ પ્લાસ્ટિક પાવડરની મોટા પાયે આયાત કરે છે, અને આંતરરાષ્ટ્રીય બજારમાં ભારતીય રૂપિયાનું મૂલ્ય ઘટ્યું છે, જેના કારણે કાચા માલની આયાત ખૂબ મોંઘી થઈ ગઈ છે. વધુમાં, પેટ્રોલ અને ડીઝલના ભાવમાં તાજેતરના વધારાથી નૂર ખર્ચમાં નોંધપાત્ર વધારો થયો છે. વધતા પરિવહન ખર્ચ અને બ્રેડમાં વપરાતા પ્રિઝર્વેટિવ્સની કિંમતને કારણે બ્રેડ ઉત્પાદકો માટે ખર્ચમાં નોંધપાત્ર વધારો થયો છે, જેના કારણે બ્રેડની કિંમતમાં વધારો થયો છે.